ស្ត្រីម្នាក់ខកខានចេញទៅថៃតាមជើងយន្តហោះ ខណៈចោរឆក់ការបូបអស់លុយ និងលិខិតឆ្លងដែន
23-May-2016 | ដោយ មែន កំសត់
ភ្នំពេញ៖ស្ត្រីម្នាក់ជិះម៉ូតូកង់បីទៅព្រលាន ត្រៀមឡើងយន្តហោះទៅថៃ ត្រូវចោរឆក់កាបូបអស់លុយប្រមាណ១០ម៉ឺនបាត ទូរស័ព្ទ និងលិខិតឆ្លងដែន
ជាហេតុធ្វើឲ្យនាងខកខាន មិនបានឡើងយន្តហោះធ្វើដំណើរទៅកាន់ប្រទេសថៃឡើយ។ ហេតុការណ៍ខាងលើនេះ បានកើតឡើងខណៈនាងរួមនិងសាច់ញាតិកំពុងជិះម៉ូតូកង់បី មួយគ្រឿង ធ្វើដំណើរពីខណ្ឌទួលគោក ឆ្ពោះទៅកាន់អាកាសយានដ្ឋាន អន្តរជាតិភ្នំពេញ ដើម្បីឡើងជិះយន្តហោះ ទៅប្រទេសថៃនោះ នាថ្ងៃទី២២ ខែឧសភា ឆ្នាំ២០១៦ នៅតាមមហាវិថីសហព័ន្ធរុស្ស៊ី ត្រង់ចំណុចភ្លើងស្តុប ច្រកចូលអាកាសយានដ្ឋានអន្តរជាតិភ្នំពេញ ស្ថិតក្នុងភូមិក្បាលដំរី សង្កាត់កាកាប ខណ្ឌពោធិ៍សែនជ័យ រាជធានីភ្នំពេញ។
ស្ត្រី រងគ្រោះម្នាក់នោះឈ្មោះ ឈីង ធីតា អាយុ២៥ឆ្នាំ មុខរបរលក់ដូរ មានទីលំនៅក្នុងក្រុងប៉ាយប៉ែត ខេត្តបន្ទាយមានជ័យ ហើយនៅក្នុងកាបូប របស់នាងដែលត្រូវចោរឆក់យកទៅបាត់នោះ មានលុយជាង១០០.០០០បាត(លុយថៃ) ទូរស័ព្ទមួយគ្រឿង និងលិខិតឆ្លងដែនព្រមទាំងឯកសារផ្សេងៗទៀត ផងដែរ។ ចំណែកចោរ មានតែម្នាក់ឯងជិះម៉ូតូមួយគ្រឿងម៉ាកស៊ុយហ្ស៊ុយគីវីវ៉ា ពណ៌ខ្មៅមិន ចាំស្លាកលេខ។ នគរបាលបាននិយាយថា ជននេះ គឺជាមុខសញ្ញាចោរឆក់ កាបូបភ្ញៀវដែលធ្វើដំណើរតាម អាតុកៗទៅឡើងយន្តហោះបែបនេះ បានសម្រេចច្រើនលើកមកហើយ និងមានសំណាងបានរត់គេចខ្លួនរួ រហូតទៀតផង៕
ចំនួនអ្នកទស្សនា
- ថ្ងៃនេះ12621
- ម្សិលមិញ20231
- សប្តាហ៍នេះ91701
- ខែនេះ113581
- ឆ្នាំនេះ113581
- សរុប20556037